搜尋
【香港調酒】香港練習花式調酒地方超級推介!!你有去過嗎?
大家好！今日同大家推介喺香港幾個練習花式嘅好地方，如果你屋企或者樓下公園都唔方便做練習，咁就唯有睇吓嚟緊介紹依幾個地方啱唔啱你咯。
1. 尖沙咀中間道公園
入囗位置: 尖沙咀梳士巴利道18號
簡介: 香港最好嘅一個選擇，地方比較大，遠境向海，所以比較清涼舒適。
2. 尖沙咀科學館道公園
入囗位置: 尖沙咀科學館道14號
簡介: 位於華懋戲院對面，交通相當方便，但地方比較細，側邊就係馬路，人流亦較多，行人天橋不時有觀眾睇你練習喔。
3. 大角咀埃華街公園
入囗位置: 大角咀埃華街28號
簡介: 因冇地鐵站直達，所以交通比較唔方便，地方大細亦算可以，比較適合住嗰區附近嘅朋友。
4. 石硤尾公園
入囗位置: 南山邨道、公園四周設多個入囗
簡介: 公園雖然勁大，但有軟地氈嘅康樂區較少，勝在人流極少，地方極大，可以完全進入無人騷擾嘅境界。
5. 維多利亞公園(天后)
入囗位置: 天后興發街、公園四周設多個入囗
簡介: 適合住香港區嘅朋友，由天后嗰邊入，向海皮方向行，就會發現兩三個忍世康樂區，四周比大樹包圍，地方又大，相當正嘅選擇。
香港花式調酒地點比較
最後提示一吓大家，因為依d場地都係公衆地方，有時會遇到有人用緊或小朋友玩緊時，保安員會叫你唔好喺道練習確保安全，所以如果要順利練習到的話可考慮較夜時段人流比較少喔!
希望以上嘅分享可以幫助到大家啦，祝各位練習開開心心，香港花式調酒加油！若對花式調酒有興趣學習，可參加我們以下的花式調酒課程哦!
Comments